Crear PDF Recomendar Imprimir

Festa dos ovos cocidos o vindeiro 26 e 27 de abril

  • Votación
    (1 voto)
  • Gústame

cartelO día 25 de abril os veciños de Celanova e da contorna acostumamos a relaciónalo coa celebración da festa do San Marcos no lugar da Gandarela e consecuentemente coa tradición de achegármonos ata o campo da festa de San Xulián para, ademais de escoitar os acordes da Banda de Municipal ou de calquera grupo musical, ir tomar un viño e comer os ovos cocidos.

Non se sabe ben cal foi a orixe deste costume gastronómico, pero o caso é que a tradición de comer os ovos cocidos polo San Marcos foi pasando de pais a fillos, abrindo así o ciclo festivo do verán de todo o concello que se irá distribuíndo polas distintas parroquias ata chegar ós días do San Cibrán de Acebedo.

Perdida a festa do San Marcos, pero non o costume de comer os saborosos ovos cocidos, cremos que é bo momento para, co fin de conservar esa tradición nacida na Gandarela, trasladala ó pobo de Celanova dedicándolle un día para que os negocios de hostelería (restaurante, mesóns, bares e cafeterías) poñan os ovos cocidos como prato do día e fagan tapas ou pinchos con este producto tan propio da nosa gastronomía como producto central co fin de conseguir un verdadeiro día de festa, agora que o corpo nos pide despreguizarnos un pouco despois de tantos meses de letargo invernal.

Por todo elo, dende o Concello de Celanova e a Asociación de Comerciantes animamos a tódolos negocios de hostelería e que colaboren nesta celebración, implicándose coa elaboración de tapas e pinchos de ovos cocidos para agasallaren ós seus clientes.

presentacion festa ovos cocidos  2 1280x768Coincidindo con esta proposta gastronómica, a empresa de espectáculos SOLRAC de Celanova promoveu a actuación das orquestras GRAN ATLANTA E PASSARELA, así como do Trío GALICIA e a charanga BCB, que axudarán a animar musicalmente as dúas xornadas.

PROGRAMA

  • Venres, 26 - VÉSPERA
    • 22,00: Festa de presentación das orquestras
      • GRAN ATLANTA
      • PASSARELA
    • Na Praza Maior
  • Sábado, 27 – DÍA DOS OVOS COCIDOS
    • Concurso de pinchos
      • Pincho mellor adornado
      • Pincho máis saboroso
      • Local máis animado
    • 20,00: Concerto da Rede de músicas soltas
    • DAVIDE SALVADO (Entrada: 5 €)
    • No Auditorio Municipal Ilduara (AMIC)
  • 22,00: Festa de presentación dos grupos
    • TRÍO GALICIA
    • CHARANGA BCB – Celanova
    • Na Praza Maior

ORGANIZAN

  • Concello de Celanova
  • Fundación Curros Enríquez
  • Central Folque
  • Espectáculos Solrac
  • ACEP Vila de Celanova

 

      ©2012 - Concello de Celanova.                                                                                                                               Aviso legal | Accesibilidade | Contacto | Mapa web |Facebook| Correo